top of page
Search
  • Writer's pictureHong Kong Aid UK

🕯七一悼念會🕯


【哀悼•面對•突破】


香港由被中共支配開始,就注定會淪為同中国一樣冇自由、冇人權嘅地方。要真正令香港重光,管治權就必須要由香港人重掌。同世界其他自由國度嘅歷史一樣,過程中難免犧牲流血,放棄自己擁有嘅嘢以換取民族未來。


七一,係香港人嘅里程「悲」。隕落嘅開始,由當初和平手段逐步升級邁向以武達義、無限嘅犧牲、忍辱潛行並付諸行動。


梁健輝烈士,決意喺七一捨身成仁,亦都令呢個日子賦予香港蛻變同革命嘅意義。過去七一嘅意義就係淪陷,但係由上年開始,七一意義更應該要係傳承烈士以武達義精神。


我哋希望可以藉住呢個日子,大家向為民族而犧牲自由甚至性命嘅義士致敬。我哋並非鼓勵話要去到犧牲生命,但另一方面,我哋相信香港人的確需要諗諗自己仲有啲咩嘢可以做多啲,我哋應該為增加將來「光復香港」(無論係接管/奪回/突擊/自由解放/支爆/歸英/獨立)嘅可能性,作任何可以做嘅準備。除咗集會遊行、文化保存、社區凝聚、聲援支援等等之外,仲可以考慮例如係接受軍事訓練、入讀戰略/管治課程、參與射擊運動、學習槍械設計及維護、軍事心理研究、戰術急救醫療、學習駕駛重型車輛……(仲有好多,一齊諗。)


轉眼3年間,喺七一呢個日子發生過好多事,雖然三年唔係短時間,香港亦出現咗好大變化,但其實,對於歷史改變嚟講,三年只係剛剛起步,喺未來仲有好漫長嘅路需要香港人努力,而且係要好多好多香港人一齊努力。


由衷敬佩選擇留喺香港堅持嘅人,亦希望身在海外嘅香港人可以行多一步,去做各種自己承受到嘅事去拯救香港。"Now this is not the end. It is not even the beginning of the end. But it is, perhaps, the end of the beginning."


🕯七一悼念會🕯詳情

時間:7PM

地點:香港駐倫敦經濟貿易辦事處門外 WC1B 3JA

活動屆時會有獻花、悼念時段及自由發言環節。


如任何朋友有意參與籌備或提出意見,亦歡迎PM我哋。@HongKongAid


P.S. 我哋相信任何改變並唔係源自一少撮人,而係當越嚟越多人參與同付出,世界先會有所不同。

40 views0 comments

Comments


bottom of page