top of page
Search
  • Writer's pictureHong Kong Aid UK

【終止向明顯不受政治迫害人士嘅支援】


相信大家都留意到係內政部批核政治庇護個案嘅同時,都見到唔少香港人申請被拒絕。可能大家第一時間就會聯想「英國嘅庇護好難批」、「唔批嗰啲手足點算好?」或者會叫身邊認識嘅手足轉去加拿大。


其實呢,件事唔是咁的!雖然英國內政部處理庇護個案十分緩慢,但係佢哋對於尋求庇護者嘅說法同埋處境都會做嚴謹嘅考慮,亦都會喺庇護結果用文字清晰向申請者交代佢哋嘅決定嘅所有因數。而有關嘅原則同定義都係基於1951年嘅Convention Relating to the Status of Refugees,最近亦都陸續有香港手足獲批難民。


而喺我哋手上過去同埋而家處理緊嘅個案入邊,當中都有唔少明顯啲唔係政治迫害嘅個案。但係我哋又點樣定義呢?我哋認為因逃避債務、逃避同政治無關嘅刑事控罪、貧窮、「期望到西歐退休」同逃避幫派衝突呢啲原因都係明顯不具政治迫害元素嘅。按照我哋嘅觀察,以上嘅原因尋求庇護係唔會獲批核嘅。以上處境嘅香港人如果想居留英國應該尋求申請其他簽證而非選擇尋求庇護。


而正等候庇護嘅香港人因為大量嘅庇護個案而需要經歷漫長嘅等待,legal aid嘅律師亦都好難接新個案,有唔少香港手足都等候接近一年先得到律師嘅法律意見呢個基本權利。


為咗確保被迫害手足獲得支援,我哋會停止向逃避債務、逃避同政治無關嘅刑事控罪、貧窮、「期望到西歐退休」同逃避幫派衝突而到英尋求庇護之香港人嘅諮詢同埋個案服務。有關嘅查詢致電、訊息同埋電郵由今日起將不獲回應,敬希見諒!

165 views0 comments

Commentaires


bottom of page